Historiku dhe misioni

Kolegji Universitar “Victory” është themeluar si institucion privat i arsimit të lartë në Kosovë dhe ka operuar me licencë nga Ministria e Arsimit, Shkencës dhe Teknologjisë së Republikës së Kosovës.

Ndërsa, nga 24.07.2009, Kolegji Universitar “Victory” është akredituar nga Agjencia e Akreditimit e Kosovës dhe nga Ministria e Arsimit, Shkencës dhe Teknologjisë.

Kolegji Universitar “Victory” është institucion privat i arsimit të lartë dhe është themeluar më 2005.

Qëllimi i tij ishte të sjellë jo vetëm risi kualitative, por edhe programe funksionale arsimore, duke u bazuar në planprogramin e Departamentit të Tregtisë Ndërkombëtare të Fakultetit të Ekonomisë Afariste të Universitetit “Libertas” të Zagrebit, si dhe të Fakultetit të Politikës Ndërkombëtare dhe të Diplomacisë të Universitetit Publik të Zagrebit.

Misioni i Kolegjit “Victory”

Misioni i Kolegji Universitar “Victory” është ngritja e nivelit të  profesionalizimit në fushat deficitare në tregun e dijes. Aktiviteti ynë thelbësor është ofrimi i studimeve cilësore parauniversitare dhe pasuniversitare.

Kolegji Universitar “Victory” është i dedikuar për ngritjen intelektuale, kreative dhe për zhvillim individual të studentëve.

Misioni përfshin:

• ofrimin e mundësive të mira për arsim cilësor të studentëve,
• zhvillimin e aftësive të mendimit analitik, sintetik dhe kritik të studentëve,
• përvetësimin e njohurive dhe të aftësive që kanë të bëjnë me një fushë të caktuar studimi,
• përvetësimin e metodave bazë të kërkimit, duke përfshirë edhe aftësinë për të përcaktuar, për të       vlerësuar dhe për të sintetizuar informacione dhe të dhëna,
• forcimin e vlerave të integritetit, të objektivitetit dhe të të kuptuarit të njeriut, 
• vlerësimin për mendimin dhe për punën krijuese të kulturës, 
• të kuptuarit dhe të propozuarit e zgjidhjeve të problemeve kombëtare e ndërkombëtare dhe arritja e një perspektive globale,
• zhvillimin e marrëdhënieve të shëndosha ndërpersonale dhe sociale.