Bursat dhe përkrahja

Bursa universitare

Kolegji Universitar “Victory” jep për çdo vit akademik bursa universitare. Ky lloj i bursës është themeluar në vitin 2006, në kuadër të Kolegjit Universitar “Victory”, me qëllim që studentëve t’u ofrohen mundësi të tregojnë një nivel të lartë të përkushtimit për studime dhe për hulumtime shkencore. Kolegji Universitar “Victory”, nëpërmjet bursave, u jep studentëve një ndihmë financiare për arsimim të mëtejshëm. Kriteret për të fituar bursë universitare janë dhënë nga Fondacioni, ashtu që reflektojnë vlerat dhe qëllimet e donatorit, apo të themeluesit të çmimit. Bursa universitare ofrohet duke u bazuar në meritat e studentëve, që ata tregojnë gjatë studimeve nëpërmjet arritjes akademike apo nëpërmjet rezultateve të larta në testet e standardizuara gjatë studimeve të nivelit bachelor (BA). Bursa universitare, e ndarë nga Kolegji Universitar “Victory”, është planifikuar t’u jepet studentëve që arrijnë notën mesatare 9.8.

Fondacioni “Victory”

Fondacioni “Victory” është themeluar për studentët që regjistrohen të rinj në vitin akademik. Kolegji Universitar “Victory” ka paraparë ndarjen e 30 (tridhjetë) bursave, për të motivuar studentët e rinj që të orientohen drejt hulumtimeve shkencore dhe për të nxitur vijimin e rregullt të studimeve. Kolegji Universitar “Victory” u ndan bursa studentëve pasi t’i nënshtrohen ata një testi që është përpiluar enkas për bursë. Deri më sot, Kolegji Universitar “Victory” ka financuar 70 studentë me bursa të plota.