Unioni i Studentëve

Qeveria Studentore

Qeveria Studentore është organizatë vetëqeverisëse që përbëhet nga studentët dhe për studentët e Kolegjit Universitar “Victory”.

Ne, studentët e Kolegjit Universitar “Victory”, themelojmë Qeverinë Studentore të Kolegjit “Victory”, si organizatë vetëqeverisëse që përbëhet nga studentët dhe për studentët e KUV-it. Qeveria Studentore do të punojë në përmirësimin e jetës studentore në KUV dhe do të shërbejë si instrument që në mënyrë kolektive do të ndikojë në vendimet për aktivitetet studentore, për rolet, për programet mësimore dhe për interesat e tjera të studentëve. Kjo qeveri përfaqëson të gjithë studentët e KUV-it. Të gjithë studentët e regjistruar në KUV, janë anëtarë të kësaj organizate.

Qeveria Studentore e KUV-it ka këto detyra:

• Të promovojë, të monitorojë dhe të mbikëqyrë aktivitetet studentore, klubet dhe organizatat, nga të cilat përfitojnë si studentët, ashtu edhe profesorët;
• Të mbrojë politikat dhe rregullat që u shërbejnë interesave të studentëve të KUV-it;
• Të promovojë dhe të mbajë harmoni të përgjithshme brenda Kolegjit;
• Të mbrojë lirinë akademike dhe të drejtat e studentëve;
• Të shërbejë si ndërlidhje ndërmjet studentëve dhe stafit, si dhe t’ua komunikojë studentëve vendimet e marra;
• T’ia prezantojë publikut trupin studentor të KUV-it;
• Të zhvillojë marrëdhënie pozitive dhe të bashkëpunojë me organizatat e tjera studentore në Kosovë dhe në botë; dhe
• Të koordinojë dhe të zhvillojë pjesëmarrjen e studentëve në të gjitha sferat e jetës në fakultet.

Ekzekutivi i Qeverisë Studentore

Valentina Azemi
president i Qeverisë Studentore
Tregti e Jashtme
valentina.azemi@kolegjivictory.com

Granit Ajeti
zëvendëspresident dhe president i Senatit
Tregti e Jashtme
granit.ajeti@kolegjivictory.com

Flutra Radavci
sekretare
Diplomaci
flutura.radavci@kolegjivictory.com

Gramos Thaçi
arkëtar
Tregti e Jashtme
gramos.thaçi@kolegjivictory.com