Departamenti për Cilësi

Departamenti i Standardeve për Sigurimin e Cilësisë menaxhon cilësinë e procesit mësimor në tërësi.

Ai përcakton kriteret për sigurimin e cilësisë në mësimdhënie dhe në vazhdimësi përcjell standardet për vetëvlerësimin e brendshëm dhe zbatimin e udhëzimeve të institucioneve të arsimit të lartë nga jashtë, si: Deklarata e Bolonjës, Agjencia e Akreditimit, Ministria e Arsimit, Shkencës dhe Teknologjisë, si dhe institucionet e tjera.

Standardet dhe udhëzimet janë të ndërlidhura me dy ciklet e arsimit të lartë bachelor (studime bazike) dhe master, të përshkruara në Deklaratën e Bolonjës, që mbulojnë fushën e arsimit dhe të kërkimit shkencor brenda institucionit.

Departamenti për Standardet e Cilësisë menaxhon të gjitha format e vlerësimit të brendshëm nga ana e profesorëve dhe vlerësimit nga ana e studentëve. Departamenti zgjedh format më të përshtatshme të vlerësimit të mësimnxënies, monitoron, analizon dhe, pas vlerësimit periodik të programeve, i propozon Rektoratit dhe Senatit ndryshime të nevojshme.

Për Kolegjin Universitar Victory është miratuar: RREGULLORJA E STANDARDEVE PËR SIGURIMIN E CILËSISË NË ARSIMIN E LARTË.