Kolegji VICTORY me programin Mësimor-Shkencor për zgjerimin e njohurive të studentëve të tij është orientuar edhe për vizitë të shteteve si qendra të rëndësishme të kulturës dhe civilizimeve më rëndësi botërore. Italia dhe kryeqyteti i saj Roma ju krijo mundësi studentëve tonë të mësojnë për kulturën, civilizimin dhe monumentet historike. 

  

Qëllimi i kësaj vizite ishte:

Njohjen e qytetit të Romës nga koha e vjetër e deri në kohën bashkëkohore si:

• Arkitekturën;
• Skulpturën ,
• Artet Pamore-Piktura,
• Rrugët, sheshet,
• Kishat, manastiret dhe ndërtesat e Papatit dhe ndërtesave të tjera shtetërore, stadiumet sportive dhe të tjera,
• Kulturën dhe objekte të kulturës,
• Veshjet kombëtare italiane, por edhe ato në trendë të modës italiane.

Me datë 12 Prill, në amfiteatrin e Kolegjit “VICTORY”, para studentëve, akademikëve dhe mediave të vendit, mbajti një ligjëratë, ambasadori Italian në Kosovë, Ekselenca e Tij, Micheal L. Giffoni.

Ligjërata u fokusua në politikat e BE drejt Ballkanit, e me një theks të posaçëm drejt Kosovës. Sipas tij, rrjedhat politike të regjionit të Ballkanit i përshkon një filozofi e përqendruar në tri çështje themelore:

1. Mozaiku i politikës së përgjithshme të rajonit
2. Aktivitetet e secilit shtetet veç e veç
3. Brukseli dhe dinamika e ngjarjeve të cilat reflektohen atje.

Duke bërë një krahasim të gjendjes momentale me atë të para viteve 1999, ambasadori italian konfirmoi gjendjen më të favorshme tani, duke shtuar se zgjidhja e problemeve mes vendeve të Ballkani, është edhe parakushti i pozitës së ardhshme të shteteve të Ballkanit në BE.  

Nga ana tjetër, në presentimin e rastit që i bëri kësaj ligjërate, drejtori i Institutit për Hulumtime Shkencore “VICTORY”, Dr. Mustafa Bajrami elaboroi një histori marrëdhëniesh mes popullit shqiptar dhe atij italian. “Shqiptarët, historikisht krijuan historinë e Ballkanit së bashku me italianët. Kontaktet politike dhe strategjike mes këtyre dy popujve, datojnë që nga koha e Perandorisë Romake dhe Shtetit Ilir. Ato kaluan nëpër disa faza të zhvillimeve interesante historike. Edhe sot, Italia po luan një rol me rëndësi në procesin e demokratizimit dhe rindërtimit të Kosovës”, ishte konstatimi i Dr. Mustafa Bajramit.

Në fund, në shenjë mirënjohjeje për kontributin e tij, ambasadorit italian iu dhurua një dekoratë nga Kolegji “VICTORY”.