Të premten, me datë 04 nëntor 2011, në orën 17:00,

Në organizim të Kolegjit Universitar “Victory” në Prishtinë, këshilltarja në Ministrinë e Punëve të Jashtme të Sllovenisë, Dr.Vasilka Sancin do të mbajë ligjëratën me temën "Përgjegjësia për të mbrojtur - në teori dhe praktikë”.

Znj.Vasilka Sancin, Doktor i Shkencave Juridike është Asistent Profesoreshë e të Drejtës Ndërkombëtare në Fakultetin Juridik të Universitetit të Lubjanës në Slloveni, ku ajo ligjëron të Drejtën Ndërkombëtare Publike në nivelin universitar dhe atë pasuniversitar.

Në Ministrinë e Punëve të Jashtme të Sllovenisë, Dr.Sancin është e angazhuar në cilësinë e këshilltares profesionale për çështjet e së Drejtës Ndërkombëtare, me theks të veçantë është e angazhuar në kontestin slloveno-kroat kufitar, që do të paraqitet në arbitrazh.

Dr. Sancin është autore e artikujve të shumtë dhe librave në fushën e së Drejtës Ndërkombëtare, duke përfshirë edhe tekstet e para në gjuhën sllovene, që për fokus kryesor kanë adresimin e përgjegjësisë për të mbrojtur.

Ligjërata e Dr.Vasilka Sancin në Kolegjin Universitar “Victory” është në vazhdën e përkushtimit të menaxhmentit të kolegjit për t’iu mundësuar studentëve dhe profesorëve, si dhe auditoriumit të gjërë për të parë nga afër përvojat profesionale të ekspertëve më eminentë euro-perëndimorë, në funksion të ngritjes së nivelit të dijes dhe të hulumtimit shkencor në Kosovë.